რეჟისორი: დენი ვილნევი

მთავარ როლებში: ემი ადამსი, ჯერემი რენერი, ფორესტ უიტეკერი

გამოშვების წელი: 2016

კაცობრიობას უკვე დიდი ხანია აინტერესებს – არსებობს თუ არა სიცოცხლე დედამიწის გარეთ. და, იმის მიუხედავად, რომ ამ კითხვაზე ზუსტი პასუხი ჯერ არ გვაქვს, სამეცნიერო ფანტასტიკა ყოველთვის პოულობს გზებს ამ ინტერესის დასაკმაყოფილებლად.

დღეს, კანადელი რეჟისორის, დენი ვილნევის  2016 წლის Sci-Fi-ის „ჩამოსვლას“ გაგაცნობთ, რომელიც დედამიწაზე უცხოპლანეტური სიცოცხლის სტუმრობაზე მოგვითხრობს. მათი 12 კოსმოსური ხომალდი კი დედამიწის სხვადასხვა ტერიტორიებზე დაჯდება.

მათი შემოჭრის გამო, კაცობრიობა ომის ზღვრამდე მივა. ამიტომაც, აშშ-ს არმია

უცხოპლანეტელებთან კომუნიკაციის დამყარებას შეეცდება.ამ მიზნით, ისინი ლინგვისტსა და ენების პროფესორს, ლუისა ბენკს დაიქირავებენ.

უცხოპლანეტურ სიცოცხლესთან რამდენიმე კომუნიკაციის შემდეგ, ლუისა თავსატეხის ამოხსნას იწყებს. თუმცა, უცხოპლანეტელებისთვის დრო სწორხაზოვანი არ არის, კომუნიკაცია ძალიან რთულია და დედამიწაზე ომის დაწყების შანსები ძალიან სწრაფად იზრდება.

ფილმი ამერიკელი Sci-Fi-ი მწერლის, ტედ ჩანის მოთხრობაზე – „შენი ცხოვრების ისტორიაზე“ (Story Of Your Life) არის დაფუძნებული. ეკრანიზაციამ ოსკარის 89-ე დაჯილდოებაზე 8 ნომინაციის მოპოვება მოახერხა. ამერიკის კინოინსტიტუტმა კი 2016 წლის 10 საუკეთესო ფილმში დაასახელა.