ევროპული კოსმოსური სააგენტოს (ESA) ასტრონავტი, სამანტა კრისტოფორეტი გახდა პირველი ევროპელი ქალი, რომელიც ღია კოსმოსში გავიდა.

მისია 21 ივლისს შედგა, ასტრონავტმა კი საერთაშორისო კოსმოსური სადგურის გარეთ 7 საათი და 5 წუთი გაატარა.

მისიაზე მას თან ახლდა რუსი კოსმონავტი – ოლეგ არტემიევი. მათ, ერთად, კოსმოსური სადგურის რუსულ სეგმენტში ახალი მოწყობილობა დაამონტაჟეს და რამდენიმე პატარა სატელიტი განალაგეს.

სამანტა კრისტოფეროტი 2017 წლამდე იყო პირველი ქალი, რომელმაც კოსმოსურ სადგურზე უწყვეტად ყველაზე დიდი დრო გაატარა – 199 დღე და 16 საათი. 2021 წელს Politico Europe-მ ევროპის 28 ყველაზე გავლენიან ადამიანს შორის დაასახელა.