ვენერას, მზის სისტემაში რიგით მეორე პლანეტას, ხშირად დედამიწის დობილს უწოდებენ. ეს იმან განაპირობა, რომ ორი პლანეტა ზომითა და შემადგენლობით ძალიან ჰგავს ერთმანეთს.
თუმცა, დედამიწისგან განსხვავებით, ვენერაზე მზე დასავლეთიდან ამოდის და აღმოსავლეთით ჩადის. ამის მიზეზი კი ვენერას მოძრაობის მიმართულებაა – სიყვარულის პლანეტა უკუღმა ბრუნავს.
მეცნიერებმა ზუსტად არ იციან, თუ რამ გამოიწვია ეს ფენომენი. თუმცა, ყველაზე გავრცელებული თეორიის მიხედვით – მილიარდობით წლის წინ, ვენერაც სხვა პლანეტების მსგავსად ბრუნავდა. თუმცა, პლანეტის ზომის ობიექტის შეჯახების შედეგად, მიმართულება შეიცვალა.